ზამთრის პერიოდში მანქანის მძღოლებს ყველაზე უფრო მეტად უწევთ ყურადღების გამახვილება საკუთარი მანქანის სრულ მობილიზებაზე. ყველაზე მნიშვნელოვანი კი ამ პერიოდში არის მანქანის შუშები, რომელიც მუდმივად საჭიროებს მძღოლის ყურადღებას.

დაზიანებული ან თუნდაც დაკაწრული მინა ხელს უშლის ხილვადობას, რამაც შეიძლება გამოიწვიოს ავტოსაგზაო შემთხვევა, ან სარეგისტრაციო მოწმობის მოხსნა.

საქარე მინის მდგომარეობას ყველაზე მეტად განსაზღვრავენ მისი საწმენდები. თუ საწმენდები ოდნავ მაინც დაზიანებულია, ის გაწმენდისას აზიანებს შუშასაც. საწმენდები იდეალურად მუშაობს მისი დაყენებიდან დაახლოებით ნახევარი წლის განმავლობაში, რეკომენდირებულია რომ საწმენდები გამოიცვალოს წელიწადში ერთხელ მაინც, განსაკუთრებით კი ზამთრის პერიოდისთვის. 

ასევე, რეკომენდირებულია რომ დაბალი ტემპერატურის დროს შუშის საწმენდები ღამე დავტოვოთ აწეულ მდგომარეობაში, რათა არ მოხდეს მათი გაყინვა და დილით ჩვეულებრივად შევძლოთ გამოყენება.